Груевски и Богоевски не се веќе пратеници

Претседателот на Собранието Талат Џафери, денеска ги констатираше оставките на пратеникот Павле Богоевски и пратеникот во бегство Никола Груевски.

На денешната седница беше констатирана и оставката на пратеникот Павле Богоевски, која тој ја најави на седницата на Комисијата за деловничко-мандатно и имунитетни прашања пред отворањето на точката на дневен ред за одземање на мандатот на Груевски.

- „Одговорност се поднесува лично и храбро и со крената глава пред тие кои те избрале, а не кукавички и во бегство и криејќи се зад диктатори со слични уверувања“, рече Богоевски кој ја поднесе оставката по скандалот со снимката за која тврди дека нарачувал масло од канабис.

Им благодарам на пратениците на ВМРО-ДПМНЕ што издржаа на принципиелните позиции кои се во склад со уставот и меѓународното право и не потклекнаа на притисоците. Посебно благодарност до илјадниците граѓани кои на различни начини, преку лични контакти или преку социјалните мрежи во изминатите денови ми даваа огромна подршка и покрај сиот притисок и неправди, покрај сите лажни пропаганди и лични ризици, покажаа дека чувството за правда и правичност, отпор, неприфаќање и бунтовност пред неправдата, останува водилка на македонскиот народ и граѓани, колку и инсталиранста власт да промовира поинакви и спротивни на овие вредности.

Да живее Македонија!

Невенка Стаменковска  рече дека Никола Груевски не ги исполнува условите бидејќи пријавувањето за отсустен во ова Собрание е спречен да го направи и тоа спречен точно од целата пратеничка група на СДСМ.