Откриена можната причина за пожарот во Кисела Вода - станарите ноќта ја поминаа надвор од домовите
Стабилна е здравствената состојба на сите 11 лица повредени во вчерашниот пожар во Кисела Вода, но и денеска ќе бидат задржани на Токсикологија, откако се запали стан на петтиот кат на улицата “Народни Херои”.
Како што јавува Сител, пациентите имаат потешкотии со дишењето, гушење, кашлање, кивање, и слични симптоми, а полицијата вчера не дозволила станарите да се вратат во своите домови заради нивна безбедност. Ноќта ја поминалале кај роднини и пријатели.
Според неофицијални податоци, огнената стихија била предизвикана од прегреан продолжен кабел во спалната соба во станот на петтиот кат од каде и почна да се шири пламенот.
Неколку станари утринава биле и на состанок во општината Кисела Вода каде им била ветена помош по 30.000 денари по стан кој претрпел штета.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
