Нови детали за трагедијата: Хоспитализиран таткото на девојчето што се удави во базен во скопски ресторан

Петгодишното девојче кое утрово почина на скопските клиники се удавило во базен во угостителски објект во близина на населбата Злокуќани во Скопје.

Според информациите на Скопје Инфо, попладнево во болница е хоспитализиран и таткото на девојчето кој е во критична здравствена состојба како последица од стресот кој го доживеал по информацијата за смртта.

МВР попладнево информираше дека вчера било пријавено дека во базен на угостителски објект во Скопје паднало петгодишно девојче кое утринава во 8,30 часот починало.