Две возила се искршија кај Маврово - Има повредени
Околу 09.00 часот на регионален пат Мавровска крстосница–Дебар, пред општина Маврово и Ростуше, се случила сообраќајна незгода помеѓу патничко возило „Фолксваген Поло“ со скопски регистарски ознаки, управувано од 63-годишниот А.В. од село Маврови Анови и патничко возило „Алфа Ромео“ со албански регистарски ознаки, управувано од 32-годишниот Т.Е. од Република Албанија.
Во незгодата со тешки телесни повреди се здобиле сопатниците И.Т. и З.Г. од возилото „Алфа ромео“ и биле пренесени во Медицински центар во Гостивар.
Со телесни повреди се здобила сопатничката Е.К. од истото возило.
Увид на местото извршила екипа од СВР Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
