Филипче за Рекет: Бев во домот на Боки13 а од средбата не излезе ништо
Министерот за здравство Венко Филипче ги потврдува наводите на бизнисменот Орце Камчев изнесени на денешното рочиште за случајот „Рекет“ дека во домот на првообвинетиот Бојан Јовановски на 15 март се одржала средба на која присуствувал и тој.
- „Средбата која се споменува во денешното судење за случајот „Рекет“ се одржа на барање на Бојан Јовановски на која јас и Орце Камчев бевме повикани да разговараме за некакво јавно приватно партнерство за болница која тој имал намера да ја прави“, вели министерот Филипче во изјва за НоваТВ. Од состанокот, тврди Филипче за НОВА, не излегло ништо и друга средба потоа не се ни остварила.
Претходно, на денешното рочиште за Рекет, бизнисменот Орце Камчев кој сведочеше кажа дека тој и министерот за здравство биле во домот на Боки13.
За случајот досега е осуден на три години затвор само Зоран Милевски Кичеец, А Боки13 и Катица не признаваат вина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
