Малолетничка тешко повредена во сообраќајка во Кавадарци
Во текот на вчерашниот ден се случила сообраќајка во Кавадарци каде повредена била малолетничка која била пренесена во болница.
Според пријавеното, вчера во 22 часот и 30 минути на крстосница помеѓу булеварите „Северен булевар“ и „Цветан Димов“ во Кавадарци се случила сообраќајна незгода помеѓу патничко возило „пежо 206“, со струмички регистарски ознаки, управувано од Ј.Н.(35) од Кавадарци и патничко возило „фолксваген голф“, со неготински регистарски ознаки, управувано од Л.И.(23) од Неготино.
Во незгодата со тешки телесни повреди се здобила малолетничка, патничка во возилото „пежо 206“ и била пренесена во Општата болница Кавадарци за укажување на лекарска помош.
Увид на местото на настанот извршила екипа од Полициската станица Кавадарци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
