Прегазен пешак во Македонија - Го оставиле и избегале

Пешак е тешко повреден во сообраќајна несреќа која се случила на регионалниот пат Гостивар – село Градец, во село Добридол, гостиварско кога патничко возило, управувано од едно лице, удрило во пешакот Л.И.(55) од Добридол, по што го напуштило местото.

-Во незгодата, Л.И. се здобил со тешки телесни повреди и бил пренесен во Медицински центар Гостивар за укажување лекарска помош, информира МВР.

За настанот бил известен јавен обвинител, а увид на местото на незгодата извршила екипа од СВР Тетово. Се преземаат мерки за расчистување на случајот.