Запленет еден килограм кокаин во акцијата во Крушопек

Во операцијата која во моментот ја спроведува полицијата во скопско Крушопек запленет е еден килограм кокаин. Се работи за меѓународна акција која МВР ја спроведува со колегите од Италија и Црна Гора.

Акцијата која се спроведува по насока на надлежен јавен обвинител и по наредба на судија на претходна постапка ја потврди и техничкиот министер, Наќе Чулев. Тој најави дека Министерството утре ќе излезе со повеќе информации.

Дел од медиумите претходно објавија дека станува збор за 1,3 тони кокаин.