Пожар во маркет во тетовско- интервенирале три противпожарни возила
Тетовските пожарникари спречија поголем пожар да се прошири во објект на ланецот маркети „Кипер“ во Пршовце. Повредени нема, причинета е материјална штета.
– Со нашата интервенција изгаснат е огнот што го зафати делот од објектот кај влезот и изложните прозорци на маркетот „Кипер“ во Пршовце. Повредени нема, само материјална штета, изјави командантот на тетовската Противпожарна бригада Ука Алити.
Пожарот избувнал околу 11.30 часот, а тетовската Противпожарна бригада интервенирала со три возила и девет пожарникари.
08.04.2020 - 15:51
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа