Македонски државјани приведени во Србија поради непочитување на вонредните мерки
Српската полиција приведе двајца македонски државјани, М. J. (1975) и А. J. (1992), со престојувалиште во градот Темерин во Војводина, под сомнение дека сториле кривично дело „непостапување според законска регулатива за време на епидемија“, соопшти Министерството за внатрешни работи на Србија.
Како што јави дописникот на МИА од Белград, двајцата Македонци се сомничат дека во својот локал во Темерин им служеле пијалоци на гостите, со што ги прекршиле прописите за работа за време на епидемија.
Ним им е одреден притвор до 48 часа, а ќе им бидат поднесени и кривични пријави до Основното јавно обвинителство во Нови Сад.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
