Шестмина велешани ќе платат по 800 евра казна за непочитување на полицискиот час
Основното јавно обвинителство Велес поднесе предлог за изрекување казни во висина од по 800 евра за шест лица кои не го почитувале полицискиот час за време на викендот.
– Обвинетите за време на викендот не го почитувале полицискиот час воведен за време на викендот како мерка за спречување на пандемијата прогласена од страна на Генералниот секретар на Светската здравствена организација поради опасна заразна болест Ковид-19 поради што и е утврдено постоење на вонредна состојба на територијата на Република „Северна“ Македонија. Тие за време на полицискиот час се движеле пеш или со возила низ Велес, стои во соопштението од ОЈО.
Основното јавно обвинителство Велес со поднесените предлози од Судот побара на секој од обвинетите да им изрече парична казна во висина од 40 дневни глоби при што вредноста на една дневна глоба да се определи во висина од по 20 евра во денарска противредност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
