Метеоролозите со прогноза и за престојниот продолжен викенд
Денес во текот на претпладнево ќе биде постабилно и со повеќе сончеви периоди. Во попладневните часови ќе има локално зголемување на облачноста кога ќе има услови за локален дожд, локално ќе биде нестабилно со услови за пороен дожд, грмежи и засилување на ветерот, соопштува метеорологот Славчо Поповски.
Не се исклучува можноста и за ретка појава на град. Ќе дува слаб до умерен ветер од западен и од северозападен правец и истиот повремено ќе засилува. Максималните дневни температури на воздухот ќе се искачуваат во интервалот од 19 до 26 степени.
Во Скопје и околината времето ќе биде сончево со умерена локална облачност. Во попладневните часови ќе има локално зголемување на облачноста и ќе има услови за локален краткотраен дожд и грмежи. Ќе дува слаб до умерен ветер од северозападен правец, максималната дневна температура ќе се искачи до околу 24 степени.
Потоа во следните неколку денови ќе продолжи периодот на нестабилно време во попладневните часови, исто така ќе има услови за локална појава на пороен дожд, грмежи и засилување на ветерот. Можна е и ретка појава на НЕВРЕМЕ проследено со град.
Максималните дневни температури до недела нема многу да се менуваат, посвежо време со северен ветер ќе имаме од понеделник.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
