ВИДЕО: Во пожар целосно изгоре кафуле во ТЦ „Мавровка“

 Во пожар ноќеска целосно изгоре кафулето „Фонтана“ во трговскиот центар „Мавровка“.

Пожарот бил пријавен во Територијалната противпожарна бригада на Град Скопје во 01:30 часот, а пожарот е целосно изгаснат во 05:00 часот.

Командантот на ТППЕ Владимир Симоновски изјави дека интервенирале со 20 пожарникари и осум возила.

Причините за пожарот засега не се познати.