Сотирова-Бухова: Веќе се изречени решенија во институциите каде се констатирани недостатоци при инспекцискиот надзор
При извршените повеќе од 700 инспекциски надзори во јавни и приватни здравствени институции, таму каде се констатирани одредени недостатоци веќе се изречени решенија и Државниот санитарен и здравствен инспекторат (ДСЗИ) продолжува со контроли по веќе доставените решенија.
Ова денеска го истакна директорката на ДСЗИ, Иринка Сотирова-Бухова, одговарајќи на новинарско прашање по прес-конференцијата на претседателката на Инспекцискиот совет, Магдалена Филиповска-Грашкоска.
Во врска со случајот со препродавање ракавици од Клиниката за нефрологија, Сотирова Бухова рече дека таму веднаш ќе почнат вонреден инспекциски надзор.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа