Зибери: Во скопските градинки нема потврден случај на Ковид 19

Нема потврден случај на КОВИД 19 во скопските градинки, вели за Канал 5 Директорот на Центарот за јавно здравје Скопје, Арбен Зибери. 

-Скринингот, се одвива непречено, а досега се тестирани повеќе од 600 негувателки и останат персонал во градинките. Веќе започна скринингот и на вработените во скопските старечки домови. Според предвиденото, тестирањето на негувателките и персоналот во градинките и домовите за стари лица треба да заврши до крајот на месецов. Целта на скринингот што го спроведува државата е да се покаже колку од таргетираните групи го имаат вирусот, а немаат никакви симптоми. Досега со спроведениот скрининг е потврден само еден асимтоматски случај, техничар вработен во битолска болница - кажа Зибери.