Добри вести: Во изминатите 24 часа во Велес оздравени девет лица од коронавирусот, новозаразени нема
Во Велес изминатото деноноќие се регистрирани девет лица оздравени од КОВИД – 19, новозаразени нема, а активни на болеста се 31 лице, информира ЈЗУ Центар за јавно здравје.
Како што информира за МИА д-р Весна Неделковска Николова, од деветте оздравени, двајца се лекувани во Инфективното одделение при ЈЗУ Општа Болница и биле отпуштени со два негативни теста. Останатите седум се лекувале дома.
На Инфективното одделение при ЈЗУ Општа Болница во Велес моментно се хоспитализирани 14 пациенти, сите позитивни на КОВИД-19.
28.05.2020 - 14:42
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
