Нова аудиоснимка: Кичеец разговара со бизнисменот Дака, се спомнуваат Рашковски и Заев
На Јутјуб каналот „Раце лепливи“ попладнево се појави нова аудиоснимка во која наводно се слуша гласот на Зоран Милески и Миодраг Давидовиќ Дака, српски бизнисмен. Во аудиоматеријалот, кој трае околу 12 минути, Дака и Милески ги споменуваат имињата на генералниот секретар на владата Драги Рашковски, а се слуша и името на претседателот на СДСМ Зоран Заев.
Во разговорот се споменуваат дадени пари на Милески, се споменува референдумот и неостварени ветувања за бизниси поврзани со хидроцентрали и ветерници во Тетово и Штип.
„Јас бев кај него (Зоран Заев), ми вика знаеш за Дака, доаѓа цело време тука, сè сум организирал… Со Рашкоски дали го држиш под контрола. И јас сум реков да! И тој ми рече добро ти го работиш ова, јас го правам ова за тебе“, вели Милески и го потсетува Дака дека му дал ветување на генералниот секретар на Владата и близок соработник на Заев, Рашкоски, дека е тука, ако треба да „заврши работа за референдумот за името“.
Очигледно Давидовиќ Дака е незадоволен бидејќи се чувствува изигран од Зоран Заев и Рашкоски за парите што ги дал, бидејќи не го добил тоа што сака иако платил пари.
„Ги знам тие ваши трикови. Јас вас ви дадов 300 илјади евра и 2.000 квадрати, работата не е завршена, што сакате уште. Јас тебе (мисли на Кичеец) те исплатив и со тебе немам ништо“, вели Дака, на што Милески одговара дека има работа сега со Рашкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа