Обуки на претставници на министерства и јавни институции во рамки на реорганизацијата на администрацијата

Министерството за информатичко општество и администрација денеска организираше обука за претставници на министерства и јавни институции во рамки на активностите за реорганизација на државната администрација.

– По спроведувањето на хоризонталната функционална анализа и изготвувањето извештаи за реорганизација каде што беше формирана новата организациска структура на државните органи, агенции и инспекциски служби на централно ниво, оваа обука има цел да создаде административни капацитети кои ќе имаат надлежности да ги спроведат своите ревизии, кога ќе се појави потреба, рече на отворањето на обуката министерот за информатичко општество и администрација Јетон Шаќири.

Како што соопшти МИОА, истакнувајќи ја важноста на обуката Шаќири наведе дека се ангажирани експерти за помош  и обука за процесите што следат.

– Оваа фаза ќе ги покаже во пракса ефектите од овој процес, но и ќе биде позитивен пример и поттик за продолжување на спроведување на целосната реорганизација во останатите министерски системи и Генералниот секретаријат на Владата, рече Шаќири.