Пендаровски: Му симнувам капа на Вучиќ, во сѐ е подобар

Претседателот Стево Пендаровски вели дека со сите балкански претседатели може да се споредува во сѐ, освен со српскиот колега Александар Вучиќ, бидејќи, како што рече, тој бил подобар во сѐ.

-На секој балкански претседател му излегувам на мегдан, со Александар Вучиќ не можам, еве му признавам. Во сѐ е подобар од пруги до вакцини. Со Александар Вучиќ еве капа долу. Во таа дисциплина во која тој се натпреварува јас објективно нема што да барам, не можам со него да се споредам. Со сите претседатели можам, ама со Вучиќ не, за вакцините и за автопатот, рече Пендаровски.