Протест против рестриктивните мерки за невакцинираните граѓани
Под мотото „Стоп за присилната вакцинација“ вечерва во Скопје се одржа протест на граѓани кои го изразија своето незадоволство од најавените рестриктивни мерки кои треба да стапат на сила од утре, а со кои во угостителските објекти ќе можат да влезат само вакцинираните и оние кои прележале Ковид-19 изминатиот месец ипол.
Според присутните на протестот, со новите мерки им се ускратува слободата, се кршат човековите права и се дискриминираат оние граѓани кои не сакаат да се вакцинираат.
– Сите имате избор, бидете слободни, бидете дел од народот. Се кршат човековите права, ова е битка помеѓу злото и доброто, рекоа присутните.
Протестот почна пред Собранието по што продолжи пред Владата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
