Родителите ќе седнат на маса со МОН – можен ли е компромис за дигитализација на учебниците?
Родителите на учениците кои ја бојкотираат наставата поради предлог-законот за учебници ќе седнат на иста маса со Министерството за образование. Претставничката на Иницијативата „Учебници и настава мора да има“, Драгана Спасевска информираше дека работна средба е закажана за в четврток на пладне, на ќе разговараат со дел од стручниот тим кој работел на новиот предлог-закон.
Сепак, бојкотот на наставата продолжува и утре.
-Бојкот на наставата како форма на незадоволство од работењето и постапките на Министерството, останува како официјален став на групата и продолжува се до завршувањето на работната средба, а за следните чекори јавноста ќе ја информираме преку медиумите и јавните гласила, вели Спасевска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа