СДСМ: Левица и Апсиев се реална закана за европскиот пат
Реална закана и вистинска опасност за продолжување на европскиот пат на државата доаѓа од Левица. Патријата предводена од Димитар Апасиев јасно е против стратешките цели на државата за евроинтеграција, против НАТО и членството во ЕУ, велат од СДСМ.
Во соопштението на СДСМ се вели дека поради идеолошко озбеличување на ВМРО-ДПМНЕ, непромислениот популизам и деструктивноста, Мицкоски, како политичар без став и визија, станува заложник на Левица и Апасиев.
„Политичкиот пироман Апасиев, со Мицкоски како негов заложник, сака да ја доведе државата до раб на провалија. Државата, предводена од демократските сили на чело со СДСМ ќе продолжи по патот на интеграциите се до полноправно членство во ЕУ, затоа што тоа е гаранцијата за стабилна и сигурна иднина“, порачаа од партијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
