Спасовски: На 5.897 вработени во МВР ќе им биде исплатена бонус плата од 28.718 денари

Министерот за внатрешни работи (МВР), Оливер Спасовски преку социјалните мрежи соопшти дека на 5.987 вработени, кои оствариле 150 часа прекувремена работа, ќе им биде исплатена бонус плата од 28.718 денари.

Денеска, на 5.897 вработени во МВР, кои оствариле над 150 часови прекувремена работа во текот на 2021 година, ќе им биде исплатена бонус платата во поединечен нето износ од 28.718 денари (463 евра).

За оваа намена од Буџетот на МВР издвоивме 188.167.373 денари, средства коишто се обезбедени со домаќинско и планско работење. Досега, вклучувајќи ја и бонус платата за 2021 година, исплативме пет бонус плати со вкупна вредност од 561.773.133 денари односно 9.060.857 евра.

Ова раководство на МВР е решено континуирано да го унапредува статусот на полициските службеници и вработените во МВР, како преку драстичното и сеопфатно материјално-техничко и инфраструктурно подобрување на условите за работа, така и со спроведувањето на гарантираните права на сите вработени, секогаш имајќи го предвид фактот дека само задоволна полиција претставува ефикасен сервис на граѓаните, работи со полн капацитет и легитимитет и испорачува резултати во активностите за справување со криминалот.

29.03.2022 - 09:06

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега