Температура над 40 степени - УХМР соопшти кога ќе биде најтопло, почитувајте ги препораките
Времето во земјава ќе биде сончево и многу топло денеска.
Утринската температура ќе се движи од 15 до 23, а максималната ќе достигне од 33 до 41 степен.
УВ-индексот ќе изнесува 9.
Во Скопје, сончево и многу топло со мала до умерена облачност и со слаб до умерен ветер од северен правец. Утринската температура ќе се спушти до 20, а дневната ќе достигне до 40 степени.
Под влијание на топла воздушна маса од југ времето во следните денови ќе биде многу топло со натпросечни температури за овој период од годината. Најтопло ќе биде денеска и во петок кога температурата на места на југоистокот ќе го надминува и 40-тиот степен. И покрај топлото време во следните денови ќе има услови за изолирана појава на краткотраен дожд и ретки грмежи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
