Утринава сончево, а попладне дожд- метеоролозите информираат какво време не очакува до крајот на неделата
Во земјава денеска ќе преовладува сончево време со умерена облачност. Попладне главно во северените делови облачноста ќе се зголеми и ќе има појава за краткотраен пороен дожд и ретки грмежи. Ќе дува умерен, а вдолж Повардарието повремено засилен ветер од северозападен правец.
Минималната температура ќе се движи во интервал од 8 до 18, а максималната од 23 до 32 степена. УВ индексот ќе биде 6.
Во Скопје, слично време со можност за краткотраен дожд попладне. Преку ден ќе дува умерен до засилен северен ветер. Минималната температура ќе се спушти до 14, а максималната ќе достигне до 26 степени.
Во четврток ќе продолжи да дува умерен до засилен северен ветер, кој ќе предизвика опаѓање на дневната температура за неколку степени. Во сабота во попладневните часови ќе има локален краткотраен дожд, а во недела на повеќе места ќе биде нестабилно со пороен дожд и грмежи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
