Вакцинацијата за сезонски грип и за Ковид-19, може да биде истовремена, посочува министерот Филипче

Пристигнаа вакцините за сезонски грип и во нашата земја. Вакцинацијата започна денеска и се очекува да биде завршена во наредните десет денови.

Но, многу  прашања пристигнаа до нашата редакција, во однос на тоа, дали може да се примат вакцини за сезонски грип и ковид-19 истовремено или пак, колкав временски период треба да има помеѓу примањето на двете вакцини.

Министерот за здравство, д-р Венко Филипче објасни дека вакцинацијата за сезонски грип и за Ковид, може да биде реализирана истовремено.

„Вакцинацијата за сезонски грип и за Ковид, без разлика дали е прва, ревакцина или е трета доза може да биде и истовремено. Ако пак има временска разлика, нема никаква врска колку е временската дистанца“, изјави министерот за здравство д-р Венко Филипче.