Во Струга приведен жител на Дебар за поседување сигнални куршуми
Полициските службеници од Одделението за внатрешни работи – Струга привеле жител на Дебар откако кај него пронашле сигнални куршуми.
–Вчера во 17:50 часот во ОВР Струга, приведен е Ф.Л.(20) од Дебар. При извршен преглед врз патнички автомобил „Фолксваген“ со дебарски регистарски ознаки во кој се превезувал, полициските службеници кај него пронајдоа и одзедоа вкупно 100 парчиња сигнални куршуми калибар 9 милиметри што, нелегално ги поседувал, информираше Стефан Димоски, портпарол на Секторот за внатрешни работи – Охрид.
Според него, по целосно документирање, ОВР Струга против Ф.Л. ќе поднесе соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
