Зечевиќ: СДСМ е македонски печат на европската идеја
Генералниот секретар на СДСМ, Миле Зечевиќ попладневно ги продолжи интензивните теренски активности и средби со членовите на партијата во североисточниот регион на државата, при што зборуваше за политиките на СДСМ и во изминатите 31 години но и нивното значење денеска, за европскиот пат и македонската иднина.
„СДСМ е печатот на македонската европска идеја. Од кандидатскит статус до почетокот на преговорите со заштитен македонски јазик. Ние сме носителите и наша обврска за иднината на оваа земја, овој концепт на Европска Македонија во целост да го релизираме. Членство во ЕУ како Македонци значи исполнување на последната стратешка и национална цел. Рамноправни во европското семејство на народи, со подобар животен стандард и сигурна иднина“, рече Зечевиќ.
Придонесот на секој член на СДСМ во реализацијата на овие стратешки, државнички цели е огромен и значаен. Почеток на преговори со ЕУ со македонски јазик, постигнат благодарение на визијата и одлуките донесени од СДСМ, е континуитет на тој современ македонски патриотизам, додаде Зечевиќ.
-Успеавме политички и економски да ја стабилизираме земјата. Сега од нас зависи. Од секој член на СДСМ очекувам максимална мобилизација, присутност на терен, меѓу граѓаните, меѓу членовите и работа за реализација на овие високи, државнички и национални цели. Затоа што од нашиот активизам, од нашата работа, зависи иднината на државата, рече генералниот секретар Миле Зечевиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа