Земјотрес почувствуван во Пијанечко-малешевскиот регион
Земјотрес со средна јачина денеска околу 13:30 часот почувствуван во Пијанечко-малешевскиот регион. Граѓани јавуваат дека истиот бил краткотраен, но се почувствувал и предизвикал мала паника неѓу населението.
– Отприлика 7,8 секунди траеше потресот и како стоев на земја како да ме подигна од земја. Истиот го почувствуваа сите вработени по што излеговме надвор од фабриката, вели жител на село Разловци.
Земјотресот го потврдија и жители на Пехчево кои истакнаа дека по ударот забележале повеќе граѓани надвор од своите домови.
-Телеметриската сеизмолошка мрежа на Република Северна Македонија, со станици во Скопје, Валандово, Охрид,Штип и Пехчево, одржувана од Сеизмолошката опсерваторија при Природно-математичкиот факултет во Скопје, денесна 01.09.2020 година во 13 часот и 31 минути, регистрира земјотрес чии епицентар се наоѓа 120 km југоисточно од Скопје и потекнува од пехчевското епицентрално подрачје. Земјотресот имаше локална Рихтерова магнитуда ML3.4,а беше почувствуван од населението во Пехчево, Делчево и околината со интензитет одIIIстепени според Европската макросеизмичка скала, велат од Сеизмолошката опсерваторија во Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
