Брнз на посета кај Арсовска - И ја честиташе титулата првата жена градоначалник на Град Скопје

Амбасадорката на САД во земјава, Кејт Брнз денеска ја посети градоначалничката на Град Скопје, Данела Арсовска, со цел да и ја честита новата функција и како што информираа да и посака успешна работа.

„На денешната средба амбасадорката на Соединетите Американски Држави, Кејт Брнз истакна честититки за изборот за градоначалник, со желба за успешна работа и изрази надеж дека со активна соработка и поддршка ќе се пристапи кон решавање на многубројните општествени проблеми со кои секојдневно се соочуваат граѓаните.

На средбата стана збор за интензивирање на соработката помеѓу Градот Скопје и амбасадата на САД, како и за размена на позитивни искуства од различни сфери на соработка што ќе придонесе и за реализирање на голем број нови заеднички проекти“, информираше градоначалничката Арсовска, на социјалната мрежа фејзбук.