ФОТО: Страшна слика од сообраќајката пред Струга во која се повредени 11 деца
Единаесет деца се здобија со телесни повреди од кои едно со тешки, во сообраќајната незгода што се случи попладнево на регионалниот пат Дебар-Струга во близина на струшкото село Велешта, јавува сајтот Охриѓани.
Според портпаролот на СВР Охрид Стефан Димоски, несреќата се случила во момент кога мини автобус со струшки регистарски таблици, кој сообраќал и вршел превоз на патници на релацијата Лабуништа-Струга изгубил контрола над возилото и скршнал на спротивната-лева коловозна лента.
– Мини автобусот со предниот дел удрил во левата страна во моторно возило марка „Ивеко“ со скопски регистарски таблици. Осум патници се префрлени во Општата болница во Струга и кај нив се констатирани лесни телесни повреди. Двајца се пренесени во болницата „Св.Еразмо“ во Охрид и за нив се уште се чека лекарскиот наод за карактерот на здобиените повреди, информира Димоски.
На местото на незгодата увид извршиле јавен обвинител од Основниот суд во Струга и екипи од Полициската станица за безбедност во патниот сообраќај од Струга.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
