Грк сакал да прошверцува 10 кг хероин
На граничниот премин Какавија, на албанско-грчката граница кај Ѓирокастро, албанската полиција уаспила грчки државјанин откако при рутинска контрола во неговиот автомобил пронашла автоматска пушка “калашњиков“ и 17 килограми дрога.
- На граничниот премин Какавија, уапсен е грчкиот државјанин Чариалос Контекакис(48) во чиј автомобил пронајдени се автоматска пушка тип “калашњиков“ и околу 17 килограми дрога, од кои 10,4 килограми хероин и 6,8 килограми марихуана, - стои во соопштението од Полицискиот комесаријат во Ѓирокастро.
Гркот со автомобил „мерцедес“ за влез во неговата земја на преминот пристигнал по полноќ, поради што на полицијата и станал сомнителен.
Полицијата продолжува со истрагата за целосно разветлување на случајот, додека доказните материјали се доставени до Обвинителството за тешки кривични дела.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
