Регистрирани четири случаи на жолтица
Во период од два месеци регистрирани се четири деца заболени од жолтица во Штип, од кои три дечиња на возраст од околу 8 години се од реонот на Радански пат, а едно од улицата Широк дол.
Директорот на Центарот за јавно здравје, Велик Грков вели дека бројката на заболени не е алармантна имајќи предвид дека минатата година во Штип имавме епидемија на оваа болест.
- Сите четири деца болнички се згрижени и се пријавени кај нас. Оваа бројка не е за паника, вели Грков.
Според него, бидејќи станува збор за дечиња кои одат на училиште во нивните училишта треба да се преземат мерки за да не се шири оваа болест, а родителите и наставниците треба да ги препознаат симптомите.
Надлежните од Основното училиште „Гоце Делчев“, во кое од Нова година имаат заболено три дечиња од Хепатит А велат дека ги имаат преземено сите мерки за дезинфенкција на просториите, а секојдневно имаат чистење на училиштето со средства.
Минатата година во Штип имаше епидемија односно околу 90 лица беа заболени од оваа болест.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа