Ќе истура до понеделник - циклонот Реа доаѓа во Македонија
Времето денеска во Македонија ќе биде облачно со повремени врнежи од дожд, на планините од снег. Понекаде во северните делови и на пониските места врнежите ќе преминуваат од снег. Врнежите ќе бидат пообилни кон крајот на денот и ноќта кон петок, а наврнатите количества локално ќе надминуваат и над 25 л/м2. На планините снежната покривка ќе се зголеми за повеќе од 20 см нов снег. Ќе дува умерен до повремено засилен ветер претежно југоисточен ветер..
Максималната температура ќе биде во интервал од 3 до 9 степени.
Дождот не престанува. Најмногу наврна во Тетово 16, па во 15 Маврово, 14 Пожаране, 8 Крушево, 7 Скопје - Зајчев Рид, 5 Лазарополе, 4 Гевгелија, 2 Скопје - Петровец, Крива Паланка, Охрид, Берово, Прилеп Претор, Ѓуриште и Тополчани и 1 во Струмица и Битола.
Висината на снежната покривка е најголема во Маврово 55 Пожаране 30 и Крушево 10.
Ова се моменталните температури во Македонија: -1 Маврово, 0 Пожар, 1 Крушево, Ѓуриште, Пожаране, 2 Тетово, Лазарополе, Кр. Паланка, 3 Берово, Скопје, Дебар, 4 Тополчани, 5 Прилеп, Куманово, Претор, Дојран, 6 Битола, Скопје Пет., Струмица, Гевгелија, Виница, Д. Капија, Охрид, 7 Штип..
Утре преку целиот ден ќе дува умерен до повремено засилен северен ветер, ќе продолжат врнежите и ќе бидат понтензивни во источните делови од земјата особено преку ноќта кон сабота. На планините врнежите ќе бидат од снег, а на југоисток од дожд. Во северните и западните делови од земјата врнежите на пониските места ќе бидат повремено од дожд и снег. На планините ќе се формира нова дополнтелна снежна покривка, на места со дебелина од 20см нов снег, а новите количества врнежи на места ќе надминуваат 25л/м2 за 24 часа. Повремено засилен северен ветер и со слаби врнежи претежно од снег ќе има и во сабота, а во недела ќе се задржи студено со северен ветер и со услови за слаб снег во источните делови. Од понеделник ќе биде стабилно но студено.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа