Падна познат дилер од Гостивар
Дваесет и шест годишен гостиварец е приведен под сомнение дека бил дел од мрежа на дилери на наркотични дроги.
Од СВР Тетово информираат дека, вчера попладне, во домот на 26-годишниот В.З.на улицата „Слободан Пепоски“ бил извршен претрес. Под скалите на влезот од куќата, во најлонско кесе се најдени околу триесетина грама кафена прашакаста материја, неверојатно хашиш и дигитална вага, а во длабнатина на оградата од дворот најдени се околу 40 грама тревлива материја. При претресот на помошните простории била најдена и кеса со остатоци од тревлива материја, за која се препоставува дека е марихуана.
По претресот, В.З. бил приведен и задржан во полициска станица и најверојатно во текот на денот ќе биде изведен пред судија во претходна постапка со соодветна кривична пријава.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа