ФОТО: Центарот за култура „Марко Цепенков“ во Прилеп ќе блесне во ново руво

Во полн ек е реконструкцијата на големата сала на Центарот за култура „Марко Цепенков“ во Прилеп.

Комплетното внатрешно реновирање се состои од претапацирање на 600 седишта, промена на подот, бојадисување на ѕидовите, уредување на сцената и нов систем за затоплување, информираат од општината.

Реновирањето го врши фирмата ДЕНИ компани и наскоро треба да заврши, а вкупната сума е околу три милиони денари велат од ЦК „Марко Цепенков“.