Истрели, хеликоптери и сирени на Итната помош - каква е моменталната состојба во Куманово?

Нови истрели се слушаат утрово во Куманово. Градот го надлетуваат хеликоптери и беспилотни летала. Се уште се слушаат и сирените на итната помош,  а полицијата проверува куќа по куќа во „Дивата населба“.

Министерската за внатрешни работи Гордана Јанкулоска синоќа на прес-конференција информира дека во акцијата пет полицајци загинале, а над 30 биле повредени, како и дека дваесеттина од членовите на вооружената група и се предале на полицијата, и посочи дека се уште нема информација за загинати цивили, а не се знае ниту точниот број на загинати членови на вооружената група. 

Министерката за внатрешни работи апелираше до сите политички партии и општествени чинители да бидат на висина на состојбата со која државата се соочува и да се воздржат од дополнителни провокации кои би можеле да доведат кон ескалација на состојбата.