Приведен насилникот кој нападна полицајци во Тетово
36-годишниот Е.Ј. синоќа половина час по полноќ, бил повикан и приведен како осомничен дека учествувал во групата што нападна и повреди четворица полицајци на улицата „Никола Тесла“ во близина на центарот на Тетово.
– Е.Ј. е осомничен дека учествувал во спречување на службено лице во вршење на службено дејство и е задржан во полициската станица во Тетово, информираше денеска портпаролот на СВР Тетово Марјан Јосифовски.
Инцидентот се случи во 18 часот и 30 минути при обид за апсење на лице осудено на затворска казна.
Според првичните полициски информации двајца од полицајците се здобиле со сериозни повреди по главите, скршеници, исекотини, отоци и слично и по укажаната лекарска помош во Тетово итно биле препратени на скопските клиники при што еден од тешко повредените е во сериозна здравствена состојба. Третиот повреден полицаец по укажаната лекарска помош во тетовската Клиничка болница е пуштен на домашно лекување, информираа извори од болницата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
