Зголемена продажбата на земјоделски производи, намален откупот
Во второто тримесечје од 2016 година откупот и продажбата на земјоделски производи се зголемени за 17,3 отсто во однос на тој период од претходната година, објави Државниот завод за статистика.
Податоците покажуваат дека е забележано намалување од 3,5 отсто кај откупот на земјоделски производи од индивидуалните производители, додека кај продажбата на земјоделски производи од сопствено производство е забележано зголемување за 47,4 отсто.
Зголемување на откупот и продажбата на земјоделски производи е забележано кај градинарските и фуражните растенија, овошјето, алкохолните пијалаци, живината и јајцата, млекото, млечните производи и рибата, а намалување е забележано кај житата, индустриските растенија и добитокот.
Месечната дистрибуција на вредноста на откупот и продажбата на земјоделски производи покажува пораст во сите три месеци од тримесечјето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
