Пукање во Тетово - го донеле во болница со шест сачми

Вистинска драма се одвивала околу 08 часот помеѓу селата Горно Седларце и Камењане. Додека 51-годишниот А.Х. од селото Горно Седларце ги шетал своите кучиња,  слушнал пукање од ловечка пушка, а потоа почувствувал болка и крварење во пределот на градите и стомакот.  Истиот успеал  да дојде до патот каде со автомобил поминал 37-годишниот Д.М. од истото село, кој го однел во Клинички центар Тетово каде му била укажана лекарска помош. Констатирани му биле повреди од шест сачми во пределот на градниот кош и абдоменот и бил задржан е на понатамошно лекување.

Увид на местото на настанот извршила увидна екипа од СВР Тетово. Се преземаат мерки за целосно расчистување на случајот.