Страшна сообраќајка во Македонија: Младо момче тешко повредено
Две лица биле повредени, од кои едното потешко, при сообраќајната несреќа која синоќа околу 19 часот се случила на регионалниот пат Кавадарци-Неготино, информираат денеска од МВР. Во незгодата во месноста викана „Антена”, учествувале патнички автомобил и трактор со приколка, а двете возила биле со ист правец на движење.
- Што се однесува до автомобилот, станува збор за “форд ескорт” со кавадаречки ознаки, сопственост и управуван од 52-годишниот С.А. од Кавадарци. Возачот бил телесно повреден. Тракторот бил со приколка, марка ИМТ 533, без регистарски таблички, управуван од 20-годишниот Љ.К, од Кавадарци. Трактористот се здобил со тешки телесни повреди, соопштуваат од МВР.
Увид на лице место извршиле полициски службеници по овластување од обвинителството од Кавадарци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
