Курц: Среќен сум што во толку тежок период се случија фер избори во Македонија
Министерот за надворешни работи на Австрија, Себастијан Курц, кој денеска со својот унгарски и словенечки колега, Пеетер Сијарто и Карл Ерјавец, во Брисел организираше работен појадок на Советот на ЕУ со македонскиот министер Никола Попоски за вчерашните избори во Македонија, во изјава за МИА по состанокот не го криеше задоволството во име на официјален Брисел за успешно спроведените парламентарни избори.
Според Курц, сега е време победниците на изборите во брз рок да формираат стабилна Влада, јави дописникот на МИА од Брисел.
- Многу сум среќен дека по еден многу тежок временски период, Македонија можеше да организира фер избори. Сега мислам дека е потребно да се направи обид да се формира стабилна Влада што е можно поскоро, изјави Курц за МИА.
12.12.2016 - 12:31
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
