Хорор за кумановчанец - го нападнале на кеј

Празничниот период помина со инциденти во Куманово, вчера во полиција било пријавено дека 18-годишниот Б.К. бил нападнат додека пешачел на кејот. Полицијата информира дека пред кумановчанецот излегол А.Д. од Куманово и побарал да му даде пари за лаптоп, но откако Б.К. му рекол дека не му должи никакви пари во врска со лаптоп, насилникот го удрил неколку пати со шлаканица во пределот на лицето, го фатил за јакната, влечејки го турнал на земја, ја одзел јакната каде имало мобилен телефон и полнач за телефон, по што побегнал од местото на настанот.

 Се преземаат мерки за целосно расчистување на случајот.