Технолошки форум „Моќта на чистите води“
Со цел подигнување на свеста за потребата од намалување на загадувањето на површинските и подземните води, а по повод Светскиот ден на водите, денеска во Скопје ќе се одржи технолошки форум „Моќта на чистите води“.
На форумот, како што е најавено, ќе се обратат Џакомо Снарамуци од „Озонија“, Швајцарија, како и претставници од Министерството за животна средина и просторно планирање, Институтот за јавно здравје и јавното претпријатие „Водовод и канализација“.
Теми на форумот се одржливата вода за пиење и обезбедувањето на услуги за прочистување на отпадните води во Македонија, здравстените аспекти на водата, алтернативните извори за водоснабдување на Градот Скопје и управувањето со води, а ќе бидат споделени и искуства за прочистување на водите во други земји.
Форумот е во организација на „Ротари клубот“ од Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
