Годишен состанок на координатори на франкофонија од регионот
Годишен состанок на национални координатори на Франкофонијата од регионот на Централна и Источна Европа денеска ќе се одржи во Министерството за надворешни работи на Република Македонија, во рамки на одбележувањето на „Месецот на франкофонијата“.
На состанокот, како што е најавено, ќе учествуваат владини претставници на Франкофонијата од Македонија, Албанија, Бугарија, Ерменија, Молдавија и Романија, како и претставници од министерствата за образование на овие држави.
Тие, како што е најавено, ќе разговараат за активностите во рамки на годишната агенда, која предвидува интензивирање на меѓусебната соработка.
Македонија од 2006 година е полноправна членка на Меѓународната организација на Франкофонијата, организација во која членуваат 84 држави и влади.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
