ФОТО: Скоро еден месец протести низ цела Македонија- граѓаните ја отфрлаат Тиранската платформа

Граѓанската иницијатива „За заедничка Македонија“ веќе скоро еден месец одржува протести низ цела Македонија за зачувување на унитарноста на државата и отфрлање на Тиранската платформа, која е вовед во федерализација на Македонија.

Денешната борба за зачувување на државата е и за идните генерации. „Генерацијата која доаѓа е за заедничка Македонија“ порачаа вчера граѓаните.

Покрај во Скопје, масовни протести вчера имаше и во 42 други градови и населени места.

Битолчани уште еднаш испратија порака дека нема да дозволат да се наметне Тиранската платформа.

Охриѓани и вчера маршираа по улиците. Тие на тој начин ја изразија својата решеност да истраат во напорите за зачувување на унитарноста на државата, одбрана на Уставот на Македонија и суштината на вредностите на општеството.

На вчерашните протести во Штип, на граѓаните им се приклучија и штипските земјоделци кои излегоа со својата механизација.

Кавадарци порача: Нема да подлегнеме на ниту една манипулација!

Пробиштипјани велат дека тие не сакаат мешање на странски држави и Тирански платформи.

Со македонски знамиња и транспаренти, Беровчани и вчера повторно протестираа низ улиците на градот и го искажаа револтот кон Тиранската платформа.

По дванаесетти пат граѓани поддржувачи на граѓанската иницијатива „За заедничка Македонија“ вчера попладне маршираа во Македонска Каменица.

Струмичани упатија пораки за зачувување на унитарноста на Макеоднија, нејзиниот идентитет, име, химна, знаме, отфрлање на платформата на албанските партии и заштита на уставноста и законитоста.

Отфрлање на тиранската платформа и зачувување на единствена и унитарна Македонија се барањата на поддржувачите на граѓанската иницијатива „За заедничка Македонија“, искажани и вчера по 13-ти пат во Крива Паланка.

Голем број граѓани на Гевгелија ќе и даваат силна поддршка на граѓанската иницијатива „За заедничка Македонија“ се додека од тиранската платформа не се откажат нејзините потписници и поддржувачи. Ова вчера беше порачано на протестниот марш во Гевгелија.

На платото пред Домот на културата во Кичево вчера се одржа протестен марш на граѓанската иницијатива „За заедничка Македонија“. Повикуваме на сплотеност и на разум.

Светиниколчани остануваат на својот став дека ќе ја бранат унитарноста и сувереноста на Македонија.

 И вчера кумановци ја поддржаа граѓанската иницијатива „За заедничка Македонија“ и уште еднаш ги упатија пораките за унитарна Македонија и за отфрлање на тиранската платфора.