Погребан Џорџ Мајкл
Британскиот пејач Џорџ Мајкл, кој почина пред повеќе од три месеци, погребан е вчера, соопшти неговото семејство после приватната церемонија.
- Можеме да потврдиме дека Мајкл е погребан во присуство на семејството и најблиските пријатели, јави семејството и се заблагодараи за пораките на поддршка.
Британската полиција во почетокот на март заклучи дека музичарот на 25 декември 2016 година починал од болести на срцето и црниот дроб.
Претходно тој имаше и други здравствени проблеми и проблеми со алкохолизмот и дрогата.
Мајкл, чие вистинско име е Јоргос Киријакос Панајоту, роден е на 25 јуни 1963 година во Лондон, како син на кипарски Грк и Британка.
Тој стана светски познат како дел од дуетот „Вем“ кој го основа со неговиот училишен другар Ендру Риџли во 80-тите години од минатиот век.
Подоцна имаше многу успешна соло кариера и за неполни 40 години освои две награди Греми и продаде повеќе од 100 милиони албуми.
Некои од неговите најпознати хитови се Father Figure, Freedom, Careless Whisper, One More Try, Monkey, Praying for Time, Outside
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
