Интензивни врнежи и грмежи - подгответе се за силно невреме
Подрачјето на Македонија денеска ќе биде под влијание на влажна и нестабилна воздушна маса поради што времето ќе биде променливо облачно и нестабилно со краткотраен пороен дожд, грмежи и засилен најчесто југозадапен ветар.
Како што информира Управата за хидрометеоролошки работи (УХМР), локално процесите ќе бидат поинтензивни, со можност за појава на невреме.
Пообилни врнежи се очекуваат најпрвин во северозападните делови од земјава, а потоа и во источните.
Максималната температура ќе биде во интервал од 28 до 33 степени. Во Скопје максималната температура до 31 степен.
УХМР најавува дека од утре времето ќе биде променливо, а наутро доста посвежо. Дневните температури ќе бидат во постепено покачување.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
