Не успеа референдумот во Босилово

Не успеа референдумот во Босилово против изградбата на рудници на територијата на општината. Референдумот не го исполни неопходниот законски цензус од над 50 проценти од вкупниот број на граѓани.

Прелиминарните резултати покажаа дека на граѓанското изјаснување излегле само 32,5 отсто од регистрираните гласачи, односно 3.992-ца, што е за околу две илјади помалку од потребниот минимум за референдумот да биде успешен.

На референдумското гласачко ливче поставени беа две прашања – дали сте за „за“ или „против“ отворање на рудникот за бакар и злато – Иловица, и другото, дали сте „за“ или „против“ отворање и ископ на метали или металична руда.

Ова е втор неуспешен референдум, по оној во Валандово пред две недели.