Кандидатурите за јавен обвинител ќе бидат доставени до Советот за јавни обвинители на разгледување

Владата денеска ќе ги достави апликациите на кандидатите за јавен обвинител до Советот на јавни обвинители кој треба да даде мислење.

На конкурсот се пријавија 23 кандидати, а оваа позиција е најатрактивна за адвокатите. Дури единаесет адвокати се пријавиле на огласот.

Откако Советот ќе ги добие кандидатите има рок од 15 дена да достави образложено позитивно или негативно мислење за сите пријавени кандидати. Ако од оправдани причини во определениот рок Советот не достави мислење има уште 15 дена.

Ако и во тој рок не се изјасни се смета дека дал позитивно мислење. Доколку пак ниту еден од кандидатите не добие позитивно мислење советот може да му предложи на Собранието да го повтори огласот.